امریکا کی جانب سے غزہ میں اسرائیلی حملے کے باعث امدادی کارکنوں کی ہلاکت پر شدید مذمت اور برہمی کا اظہار کیا گیا ہے۔
بین الاقوامی خبر رساں ادارے کی رپورٹ کے مطابق امریکی صدر جوبائیڈن نے غزہ میں 7 امدادی کارکنوں کی ہلاکت کے بعد اسرائیل کو شدید تنقید کا نشانہ بنایا ہے۔
امریکی صدر کا اسرائیل پر تنقید کرتے ہوئے کہنا تھا کہ شہریوں کو ضروری مدد پہنچانے کی کوشش کرنے والے امدادی کارکنوں کی حفاظت کے لیے اسرائیل نے خاطر خواہ اقدامات نہیں کیے۔بائیڈن نے کہا کہ کل جیسے واقعات دوبارہ نہیں ہونے چاہئیں۔
وائٹ ہاؤس نے بھی غزہ کے علاقے دیر البلاح میں ورلڈ سینٹرل کچن کے عملے کے قافلے پر اسرائیلی فضائی حملے میں 7 ارکان کی ہلاکت پر برہمی کا اظہار کیا ہے۔
وائٹ ہاؤس کے مطابق امریکی صدر جوبائیڈن نے امدادی گروپ کے بانی کو فون کر کے تعزیت کا اظہار کیا۔
ایران کا اسرائیل سے حملے کا بدلہ لینے کا اعلان
واشنگٹن میں پریس بریفنگ کے دوران وائٹ ہاؤس کے ترجمان جان کربی نے کہا کہ ہمیں آئی ڈی ایف کے حملے کے بارے میں جان کر غصہ آیا جس میں کل ورلڈ سینٹرل کچن کے انسانی ہمدردی کے کارکن ہلاک ہوئے۔
