اسرائیلی وزرا بھی شرپسند نکلے اور قابض اسرائیل کا فلسطینی مسلمانوں کو صفحہ ہستی سے مٹانے کا مکروہ ایجنڈا دنیا کے سامنے آگیا ہے۔
اے آر وائی نیوز کے مطابق اسرائیلی وزرا بھی شرپسند نکلے اور صہیونی حکومت کے شرپسند وزیر نے اسرائیل کا فلسطینی مسلمانوں کو بڑے پیمانے پر آگ وخون سے نہلا کر انہیں صفحہ ہستی سے مٹانے کا مکرو منصوبہ ظاہر کردیا۔
اسرائیلی وزیرِ خزانہ کا کہنا ہے کہ اسرائیلی فوج مغربی کنارے میں فلسطینی گاؤں حوارا کو بمباری کر کے ملیا میٹ کر دے۔
دوسری جانب امریکا نے اسرائیلی وزیر کے مکراہ عزائم پر مشتمل اس بیان کی شدید مذمت کی ہے۔ ترجمان امریکی محکمہ خارجہ نیڈ پرائس کا کہنا ہے ایسے بیانات سے امن کو کوششوں کو مزید نقصان پہنچے گا۔
امریکا نے اسرائیلی وزیراعظم نیتن یاہو سے یہ بھی مطالبہ کیا ہے کہ وہ اپنی کابینہ کے اس وزیر کے بیان کو مسترد کردیں۔
اُدھر او آئی سی نے بھی فلسطینیوں کے خلاف اسرائیلی کارروائیوں کو انسانیت کے خلاف جرم قرار دے دیا ہے۔
یہ بھی پڑھیں: اسرائیلی فورسز کے مظالم سے انسانیت بھی شرما گئی، 11 فلسطینی شہید
او آئی سی نے کہا ہے کہ اسرائیل کو بے لگام چھوڑ دیا گیا اور دنیا کی اسرائیلی جرائم پر خاموشی نے مظلوم فلسطینی مسلمانوں پر مظالم میں اضافہ کیا ہے۔
