اسلام آباد : وفاقی حکومت نے پانڈا بانڈز کے اجرا کیلئے چینی ریٹنگ ایجنسی کی خدمات حاصل کرنے کا فیصلہ کرلیا۔
تفصیلات کے مطابق وفاقی حکومت نے چینی کیپٹل مارکیٹ میں پانڈا بانڈ جاری کرنے کی تیاریاں شروع کردیں ، جس کے لئے وزارت خزانہ نے پانڈا بانڈز کے اجرا کیلئے چینی ریٹنگ ایجنسی کی خدمات حاصل کرنے کا فیصلہ کرلیا۔
چینی لافرم اورچینی لیگل کونسل کی خدمات بھی حاصل کی جائیں گی ، چینی ریٹنگ ایجنسیوں سے 29 جولائی تک ٹیکنیکل اور فنانشل تجاویز طلب کرلی گئیں ہیں۔
وزارت خزانہ کا کہنا ہے کہ بانڈز کے اجرا کیلئے پیپلز ریپبلک آف چائنہ لافرم کی خدمات بھی لی جائیں گی، چائنہ لافرم سے بھی 29جولائی تک ٹیکنیکل اور فنانشل پروپوزل مانگا گیا ہے۔
وزارت خزانہ کے مطابق ڈومیسٹنگ لیگل کونسل سے15 جولائی تک پروپوزل تک طلب کی گئی ہیں، چینی کریڈٹ ریٹینگ ایجنسی کی خدمات مسابقتی عمل کے ذریعے لی جائیں گی۔
وزارت خزانہ نے مزید کہا کہ ریٹنگ ایجنسی کی خدمات منصوبے کی تکمیل تک کیلئے ہوں گی۔
