ریاض : سعودی عرب میں پہلی مرتبہ خاتون نے ’ٹوریسٹ گائیڈ‘ کا لائسنس حاصل کرکے مملکت میں خواتین کے متحرک کردار کے حوالے سے ایک اور مثال قائم کردی۔
تفصیلات کے مطابق سعودی عرب میں سیاحت کے شعبے میں شروع سے ہی مردوں کا غلبہ رہا ہے کہ لیکن ولی عہد کی جانب سے خواتین کو گاڑی چلانے کی اجازت دینے کے بعد سے ممختلف شعبہ ہائے زندگی میں خواتین نے متحرک کردار ادا کرنا شروع کیا اور اب ٹوریسٹ گائیڈ کا لائسنس بھی ایک خاتون نے حاصل کرلیا۔
حنان بنجر نے سعودی عرب میں ٹوررزم کا روشن مستقبل دیکھ کر ٹوریسٹ گائیڈ بننے کا لائسنس حاصل کرنے کا فیصلہ کیا۔
عرب میڈیا کا کہنا ہے کہ سعودی عرب کی جنرل ٹوررزم اتھارٹی اور قومی ثقافتی مرکز نے لائسنس کے اجراء سے قبل حنان بنجر کو متعدد کورسز کروائے گئے ہیں۔
عرب خبر رساں ادارے سے گفتگو کرتے ہوئے حنان بنجر نے کہا کہ میں اپنے خاوند کے توسط سے ٹوریسٹ گائیڈ بنی ہوں، میرے شوہر نے 5 برس ملائشیا میں بحیثیت رہنما طواف اور حج امور گزارے ہیں۔
حنان بنجر کاکہنا تھا کہ میں نے اپنے شوہر کے ہمراہ متعدد سیاحتی پروگرامات میں شرکت کی ہے اور اس دوران انہوں نے لیڈی گائیڈ بننے کے لائسنس کی ترغیب دی ہے۔
سعودی عرب میں پہلی خاتون نے فلموں کی درآمد اور تقسیم کا لائسنس حاصل کرلیا
سعودی خاتون نے بتایا کہ ان کے شوہر نے سیاحوں کو مختلف طریقوں سے آگاہ کیا۔
ریاض: دمام ایئر پورٹ کی پہلی خاتون ایگزیکٹو ڈائریکٹر
یاد رہے کہ اس سے قبل سعودی عرب کی حکومت کی جانب سے دمام ایئرپورٹ پر پہلی مرتبہ کسی خاتون کو ایگزیکٹو ڈائریکٹر تعینات کیا گیا تھا، جبکہ اس کے علاوہ متعدد شعبوں میں خواتین نے ذمہ داریاں انجام دینا شروع کردیں ہیں۔
