اسلام آباد : تحریک انصاف کے چیئرمین عمران خان نے چینل اور اینکرز کا مقدمہ بھرپور انداز میں لڑنے کا فیصلہ کرلیا۔
تفصیلات کے مطابق چیئرمین عمران خان کی زیرصدارت پی ٹی آئی قیادت کا مشاورتی اجلاس ہوا۔
اے آروائی نیوز براہِ راست دیکھیں live.arynews.tv پر
اجلاس میں فواد چوہدری، بابر اعوان ، شیریں مزاری، زلفی بخاری ، علی امین گنڈا پور، غلام سرور، سیف اللہ نیازی سمیت دیگر رہنما شریک ہوئے۔
اجلاس میں سیاسی صورتحال ، شہباز گل کیس پر مشاورت کی گئی جبکہ عوامی مہم ، جلسوں کے شیڈول سمیت دیگر اہم امور بھی زیر غور آئے۔
عمران خان کی زیر صدارت اجلاس میں اے آر وائی کی جبری بندش کا معاملہ اٹھایا گیا اور اے آر وائی نیوز کے این او سی منسوخی کی کوشش کی شدید مذمت کی گئی۔
چیئرمین پی ٹی آئی نے نیوز چینل اور اینکرز کا مقدمہ بھرپور انداز میں لڑنے کا فیصلہ کرتے ہوئے کہا کہ میڈیا کی زبان بندی کی کوشش کسی صورت منظور نہیں۔
عمران خان کا کہنا تھا کہ اے آر وائی نیوزکو میرا مؤقف پیش کرنے کی سزا دی جا رہی ہے۔
