لاہور : استحکام پاکستان پارٹی نے 10 روز میں پارٹی منشور تیار کرنے کا فیصلہ کرلیا اور منشور کمیٹی بنادی، عامر محمود کیانی استحکام پاکستان پارٹی کی منشور کمیٹی کے کنوینئر ہوں گے۔
تفصیلات کے مطابق استحکام پاکستان پارٹی نے 10 روز میں پارٹی منشور تیار کرنے کا فیصلہ کرتے ہوئے 9 رکنی منشور کمیٹی کے قیام کا اعلان کردیا۔
عامر محمود کیانی استحکام پاکستان پارٹی کی منشور کمیٹی کے کنوینئر ہوں گے جبکہ اسحاق خاکوانی، نعمان لنگڑیال، رانا نذیر اور سعیداکبرنوانی منشور کمیٹی کے رکن ہوں گے۔
چوہدری ایم اشفاق،نوریزشکوراورپیرسعیدالحسن شاہ بھی کمیٹی کے رکن بن گئے ، منشور کمیٹی کے کنوینئرکسی بھی ایک ماہر کو منشور کمیٹی کا رکن بناسکیں گے۔
کمیٹی 10 روز میں استحکام پاکستان پارٹی کے مسودے کو حتمی شکل دے گی ، مسودہ پیٹرن انچیف جہانگیرترین اورصدر عبدالعلیم خان کو پیش کیا جائے گا۔
