اسلام آباد : قراقرم ہائی وے پر پھنسے مسافروں اور سیاحوں کیلئے ایف ڈبلیواو نے کامیاب کلیئرنس آپریشن مکمل کرلیا۔
تفصیلات کے مطابق ایف ڈبلیو او نے قراقرم ہائی وے پر مشکل ترین کلیئرنس آپریشن ہوا، قراقرم ہائی وے پر پھنسے مسافروں اور سیاحوں کیلئے ایف ڈبلیواو نے کامیاب کلیئرنس آپریشن مکمل کیا۔
بارشوں کےباعث قراقرم ہائی وےکے56،جگلوٹ اسکردوروڈکے19مقامات پرلینڈ سلائیڈنگ ہوئی ، قراقرم ہائی وے،جگلوٹ اسکردوروڈ،تنگش روڈپرٹریفک بری طرح متاثرہوئی، 200 سے زائد گاڑیاں پھنسی جن میں 1500 سے زائد افراد سوار تھے۔
ایف ڈبلیواوریسکیوٹیموں نےمشینری کیساتھ متاثرہ مقامات پرپہنچ کرریسکیواور کلیئرنس آپریشن کیا، دن رات کام کرکےایف ڈبلیو او نےقراقرم ہائی وے کے 56 مقامات کومکمل صاف کرکےٹریفک کو بحال کردیا۔
جگلوٹ اسکردوروڈکو بھی ایف ڈبلیو او کے 2یونٹس نےمسلسل کام کرکے ٹریفک کیلئے کھول دیا ، تنگش پر106میٹر سےبھی بڑے پتھر گرنے سے سڑک بند ہوگئی، بڑی تعداد میں گاڑیاں پھنس گئیں۔
تنگش روڈکی ایک جانب پہاڑ،دوسری جانب دریاہےراستہ کھولنے کا واحد طریقہ کنٹرول دھماکا تھا۔
ایف ڈبلیواونے 3دن 87دھماکوں کی مددسےروڈکو3مئی کومکمل طورپرصاف کرکے ٹریفک کیلئے کھول دیا، ایف ڈبلیو او کی میڈیکل ٹیمیں بھی موجودتھیں اور پھنسے سیاحوں اور مسافروں کو طبی امدادفراہم کرنےمیں مصروف رہیں۔
خواتین اوربچوں کی سہولت کیلئے ایف ڈبلیواوکاڈمبوڈاس کیمپ بھی کھول دیا گیا، سیاحوں،مسافروں نے ایف ڈبلیو او اور پاک آرمی کی انتھک محنت ،بے لوث خدمت کو سراہا۔
