منگل, جون 18, 2024
اشتہار

سیکیورٹی فورسز کا بلوچستان میں آپریشن ، 29 دہشت گرد ہلاک

اشتہار

حیرت انگیز

راولپنڈی : سیکیورٹی فورسز نے ایک ماہ کے دوران بلوچستان کے ضلع ژوب کے علاقے سمبازہ میں آپریشن کے دوران انتیس دہشت گردوں کو ہلاک کردیا۔

تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب بیان میں کہا گیا ہے کہ افغان سرزمین سے پاکستان میں دہشت گردی کے واقعات میں اضافہ ہوا ہے، افغانستان سے دہشت گرد پاک افغان سرحد کے ذریعے دراندازی کی کوشش کرتے ہیں، سیکورٹی فورسز کے ساتھ ساتھ بے گناہ شہریوں کو نشانہ بناتے ہیں۔

آئی ایس پی آر نے بتایا کہ اس صورتحال میں سیکیورٹی فورسز نے پاک افغان سرحد کے ساتھ دیگر علاقوں بالخصوص بلوچستان کے ضلع ژوب کے علاقے سمبازہ میں اکیس اپریل سے آپریشن شروع کیا، گذشتہ ایک ماہ میں ان آپریشنز کے دوران انتیس دہشت گرد مارے گئے۔

- Advertisement -

ترجمان کا کہنا تھا کہ کا کہنا تھا کہ اس صورتحال میں سیکیورٹی فورسز نے پاک افغان سرحد کے ساتھ دیگر علاقوں بالخصوص بلوچستان کے ضلع ژوب کے علاقے سمبازہ میں اکیس اپریل سے آپریشن شروع کیا، گذشتہ ایک ماہ میں ان آپریشنز کے دوران انتیس دہشت گرد مارے گئے۔

آئی ایس پی آر نے مزید بتایا کہ چودہ مئی کو انٹیلی جنس بیسڈ آپریشن کے دوران میجر بابر خان بہادری سے لڑتے ہوئے شہید ہوئے، سیکیورٹی فورسز ملکی سرحدوں کو محفوظ بنانے اور دہشت گردی کی لعنت کے خاتمے اور اپنے شہریوں کی حفاظت کو یقینی بنانے کے لئے پرعزم ہیں۔

پاک فوج کے ترجمان نے کہا کہ پاکستان مستقل طور پر عبوری افغان حکومت سے اپنی سرحد کی جانب موثر بارڈر مینجمنٹ کو یقینی بنانے کے لئے کہہ رہا ہے، توقع ہےعبوری افغان حکومت اپنی ذمہ داریاں پوری کرے گی اور دہشت گردوں کی جانب سے پاکستان کے خلاف دہشت گردی کی کارروائیوں کے لئے افغان سرزمین کے استعمال سے روکے گی۔

Comments

اہم ترین

لئیق الرحمن
لئیق الرحمن
لئیق الرحمن دفاعی اور عسکری امور سے متعلق خبروں کے لئے اے آروائی نیوز کے نمائندہ خصوصی ہیں

مزید خبریں