کراچی: مددگارپولیس نے بروقت کارروائی کرتے ہوئے گمشدہ بچی کو اس کے ورثا تک پہنچا دیا۔
اے آر وائی نیوز کے مطابق ترجمان پولیس کا کہنا تھا کہ گزشتہ روزمدد گار15 کو لاوارث بچی کے ملنے کی اطلاع موصول ہوئی تھی، مددگار 15 کے اہلکار سرجانی ٹاؤن موقع پر پہنچ کر کالر سے ملے۔
ترجمان کراچی پولیس کے مطابق لاوارث بچی کوبوٹ بیسن تھانے منتقل کیا گیا، تھانہ بوٹ بیسن سے مددگار 15 کال سینٹر پر بچی کی گمشدگی کی اطلاع موصول ہوئی۔
- Advertisement -
لاوارث بچی کی تصاویر سے تصدیق کے بعد ورثا کے حوالے کر دیا گیا، 6 سالہ بچی نیلم کالونی کے رہائشی انصار عباس کی بیٹی ہے، انصار عباس نے گمشدہ بچی کو مددگار 15 کی مدد سے حاصل کرکے ٹیم کا شکریہ ادا کیا۔
حیدرآباد میں سی ٹی ڈی کی کارروائی، کالعدم تنظیم کا دہشتگرد گرفتار
ترجمان پولیس نے بتایا کہ ایڈیشنل آئی جی نے اہلکاروں کے خدمت کے جذبے کو سراہا اورشاباش دی۔