کراچی : گورنر سندھ کامران ٹیسوری نے نوجوانوں کو  بڑی خوشخبری دیتے ہوئے کہا کہ گورنرہاؤس میں آئی ٹی کلاسز جلد شروع ہوجائیں گی ، ورجینیا سے اساتذہ کراچی آگئے ہیں۔

تفصیلات کے مطابق گورنر سندھ کامران ٹیسوری نے گفتگو کرتے ہوئے کہا کہ گورنر ہاؤس میں آئی ٹی کلاسز جلد شروع ہوجائیں گی اور روزانہ ڈھائی ہزار نوجوانوں کا آئی ٹی سیشن ہوگا۔

کامران ٹیسوری کا کہنا تھا کہ کورس کیلئےورجینیاسےاساتذہ کراچی پہنچ چکے ہیں ، جووعدہ کسی اورپارٹی نےکیاتھامیں نےپوراکردیا ہے۔

یاد رہے چند ہفتے قبل گورنر ہاؤس میں آئی ٹی کلاسز کے لئے ایڈمٹ کارڈ کے اجراء کا آغاز کیا گیا تھا، اس موقع پر گورنر سندھ کامران خان ٹیسوری ایڈمٹ کارڈز لینے أئے ہوئے کی طالب علموں سے ملاقات بھی کی تھی۔

کامران ٹیسوری کا کہنا تھا کہ 50 ہزار طالب علموں کے روشن مستقبل کا آغاز ہوگیا ہے، یہ کورسز کرنے والے فوری ملازمت حاصل کرسکیں گے اور اس کے علاؤہ وہ فری لانسر کے طور پر بھی کا م کر کے اپنی معاشی حالت بہتر بنا سکیں گے۔