اسٹیٹ بینک نے اپنی رپورٹ میں بتایا ہے کہ فروری 2025 میں آئی ٹی برآمدات میں سالانہ 19 فیصد کا اضافہ ریکارڈ ہوا ہے۔
تفصیلات کے مطابق اسٹیٹ بینک آف پاکستانی کی رپورٹ میں بتایا گیا ہے کہ فروری میں آئی ٹی سیکٹر کی برآمدات 30 کروڑ 50 لاکھ ڈالرز ریکارڈ ہوئیں، فروری 24 میں آئی ٹی سیکٹر کی برآمدات 25 کروڑ 70 لاکھ ڈالرز تھیں۔
رپورٹ کے مطابق مسلسل 17ویں ماہ آئی ٹی برآمدات میں بہتری ہورہی ہے، رواں مالی سال کے 8 ماہ میں آئی ٹی سیکٹر کی برآمدات میں 26 فیصد کا بڑا اضافہ ہوا۔
عید پر نئے کرنسی نوٹ جاری ہوں گے یا نہیں؟ اسٹیٹ بینک نے وضاحت جاری کر دی
8 ماہ میں آئی ٹی سیکٹر کی برآمدات 2 ارب 48 کروڑ ڈالرز سے تجاوز کرگئیں، گزشتہ مالی سال آئی ٹی برآمدات 1 ارب 97 کروڑ 80 لاکھ ڈالرز تھیں۔
اسٹیٹ بینک کی رپورٹ میں مزید بتایا گیا کہ پاکستان کو نئی مارکیٹ تک رسائی ملنے سے آئی ٹی برآمدات میں اضافہ ہوا ہے۔
رپورٹ میں بتایا گیا کہ پاکستان کے آئی ٹی سیکٹر نے خلیجی ممالک میں بھی رسائی بڑھائی ہے، روپے کی قدر میں استحکام کی وجہ سے بھی آئی ٹی برآمدات بہتر ہوئیں۔
آئی ٹی برآمدات 24 فیصد کے شاندار اضافے کیساتھ 3.223ارب ڈالر تک پہنچ گئیں
