The news is by your side.

Advertisement

برکس سربراہی اجلاس میں ایک رکن نے پاکستان کی شرکت کو روک دیا، دفتر خارجہ کی تصدیق

اسلام آباد : پاکستانی دفتر خارجہ نے تصدیق کی ہے کہ برکس سربراہی اجلاس میں ایک رکن نے پاکستان کی شرکت کو روک دیا، امید ہے آئندہ ترقی پذیر ممالک کی شرکت کو یقینی بنائی جائے گی۔

تفصیلات کے مطابق پاکستانی دفتر خارجہ کے ترجمان کی جانب سے بیان میں کہا گیا کہ عالمی ترقی پراعلیٰ سطحی ڈائیلاگ برکس ضمنی تقریب کےطورپرمنعقد کیاگیا، چین میزبان ملک ہونے کے ناطے برکس اجلاس سے قبل پاکستان کیساتھ مصروف عمل ہے۔

ترجمان دفترخارجہ نے کہا کہ برعکس اجلاس میں غیر رکن مدعو کیے جاتے ہیں، افسوس ہےکہ ایک رکن نے پاکستان کی شرکت کو روک دیا، امید ہے آئندہ ترقی پذیر ممالک کی شرکت کو یقینی بنائی جائے گی۔

ترجمان کا کہنا تھا کہ ہم ترقی پذیر ممالک کے مفادات کے فروغ میں چین کے کردار کوسراہتے ہیں، چین کیساتھ ملکر پاکستان عالمی امن اور جامع ترقی کے لیے مضبوط آواز اٹھا رہاہے۔

دفترخارجہ نے کہا کہ پاکستان جی77 چین کا موجودہ سربراہ ہے، گلوبل ڈویلپمنٹ انیشی ایٹو کےدوستوں کےگروپ کابھی حصہ ہے۔

ترجمان کے مطابق پاکستان، چین ہمہ وقت اسٹریٹجک شراکت دارہیں اور چیلنجز سے نمٹنے کیلئے ترقی پذیر ممالک کیساتھ کام کرنے کیلئے تیار ہے۔

Comments

یہ بھی پڑھیں