میلان: اٹلی میں ایک لڑاکا طیارہ فضائی مشق کے دوران گر کر تباہ ہو گیا، طیارہ حادثے میں 5 سالہ بچی ہلاک ہو گئی، جب کہ پائلٹ محفوظ رہا۔
غیر ملکی میڈیا رپورٹس کے مطابق اٹلی میں لڑاکا طیارہ فضائی مشق کے دوران گر کر تباہ ہونے سے پانچ سالہ بچی ہلاک ہو گئی، لڑاکا طیارہ گرنے کے بعد گاڑی سے ٹکرایا تھا۔ اطالوی فضائیہ کا طیارہ ہفتے کے روز شمالی شہر ٹورین کے باہر پریکٹس کے دوران گر کر تباہ ہوا۔
ایمازون کے علاقے میں مسافر بردار طیارہ گر کر تباہ، عملے سمیت تمام مسافر ہلاک
طیارہ گاڑی سے ٹکرانے کی وجہ سے گاڑی میں آگ لگ گئی تھی، جس سے پانچ سالہ بچی ہلاک جب کہ اس کا 9 سالہ بھائی شدید زخمی ہو گیا، گاڑی میں موجود بچوں کے والدین کو کوئی نقصان نہیں پہنچا۔
پائلٹ نے طیارہ گرنے سے قبل پیراشوٹ کے ذریعے چھلانگ لگا دی تھی، حکام کا کہنا ہے کہ ممکنہ طور پر پرندوں کا غول طیارے سے ٹکرایا جس کی وجہ سے حادثہ ہوا۔
BREAKING NEWS: Huge explosion sends flames into sky after Italian air force aerobatic jet plummets into ground.
Pilot loses control of aircraft during rehearsal flight and ejects before crash, with 5-year-old girl reportedly killed after being caught in blast. pic.twitter.com/QyemW1fNzV
— LWNC (@LwncNews) September 16, 2023
سوشل میڈیا پر سامنے آنے والی حادثے کی ویڈیو میں نو طیاروں کو دو سخت وی فارمیشنوں میں دکھایا گیا ہے، اس دوران ایک طیارہ قطار سے الگ ہو کر اچانک نیچے گرنے لگا، اسی اثنا میں پائلٹ ایئرپورٹ کی باڑ کے قریب ہی پیراشوٹ کے ذریعے اوپر کی طرف نکل کر بلند ہوا، اور طیارہ نے نیچے کی طرف یک بارگی غوطہ لگایا، اور اگلے لمحے زمین سے ٹکرا کر آگ کا گولہ بلند ہوا۔