کراچی : اطالوی بحریہ کا ایئرکرافٹ کیریئر کراچی کی بندرگاہ پہنچ گیا، بحری جہاز 14 سے 16 اکتوبر تک کراچی میں لنگر انداز رہے گا۔
تفصیلات کے مطابق اطالوی کیرئیر اسٹرائیک گروپ کا طیارہ بردار بحری جہاز فریگیٹ تین روزہ دورے پر کراچی پہنچ گیا، یہ جہاز جدیدٹیکنالوجی کاحامل ہے۔
اطالوی جہاز 14 سے 16 اکتوبر تک کراچی میں لنگر انداز رہے گا، کراچی پورٹ پر میڈیا سے بات چیت کرتے ہوئے اطالوی سفیر ماریلینا ارمیلن نے کہا کہ پاکستان سےتعلقات سیاسی اور دفاعی سرگرمیوں سے آگے ہیں ، پاک اٹلی تجارت کا حجم 2 بلین ڈالر تک پہنچ چکا ہے۔
ماریلینا ارمیلن کا کہنا تھا کہ یہ کسی بھی اطالوی بحری جہاز کا کراچی کا چوتھا دورہ ہے اور یہ پہلی بار ہے کہ کوئی ایئر اسٹرائیک کیریئر کراچی آیا ہے۔
اٹلی کے جنگی جہاز کے کمانڈر نے جہاز کے حوالے سے بریفننگ دیتے ہوئے بتایا کہ یہ جحری جہاز پندرہ ائیر کرافٹ اور تین ہیلی کاپٹر سے لیس ہے۔
اطالوی بحریہ کاکہنا ہے کہ جہازکےدورے کا مقصد بھی دوست ممالک کو ان جہازوں کی خریداری میں دلچسپی کوفروغ دینا ہے۔
