The news is by your side.

Advertisement

پاکستان اٹلی کے ساتھ تعلقات کو خصوصی اہمیت دیتا ہے، آرمی چیف

راولپنڈی: اطالوی مسلح افواج کے چیف آف دی ڈیفنس اسٹاف نے آرمی چیف جنرل قمر جاوید باجوہ سے ملاقات کی ہے، جس میں باہمی دلچسپی اور پیشہ ورانہ امور پر تبادلہ خیال کیا گیا۔

پاک فوج کے شعبہ تعلقات عامہ (آئی ایس پی آر) کے مطابق اطالوی مسلح افواج کے سربراہ نے جی ایچ کیو کا دورہ کیا ہے، جہاں انہوں نے آرمی چیف جنرل قمر جاوید باجوہ سے ملاقات کی۔

آئی ایس پی آر کا کہنا ہے کہ ملاقات میں باہمی دلچسپی اور پیشہ ورانہ امور پر تبادلہ خیال کیا گیا جبکہ سیکورٹی، دفاعی تعاون کو مضبوط بنانے پر بھی گفتگو ہوئی۔

آرمی چیف جنرل قمر جاوید باجوہ نے کہا کہ پاکستان اٹلی کے ساتھ تعلقات کو خصوصی اہمیت دیتا ہے، اٹلی سے دفاعی تعاون سمیت مختلف شعبوں میں تعلقات بہتر بنانے کے خواہاں ہیں۔

اطالوی چیف آف دی ڈیفنس اسٹاف نے پاکستان کی مسلح افواج کی پیشہ وارانہ مہارت کو سراہا ہے، جبکہ علاقائی استحکام کیلئے پاکستان کے کردار کی تعریف کی اور ہر سطح پر پاکستان کے ساتھ سفارتی تعاون میں مزید بہتری کے لئے اپنا کردار ادا کرنے کا عہد کیا۔

Comments

یہ بھی پڑھیں