The news is by your side.

Advertisement

پاکستانی نژاد اطالوی لڑکی ثنا چیمہ کو گلا دبا کر قتل کیا گیا، فرانزک رپورٹ میں انکشاف

لاہور : پاکستانی نژاد اطالوی لڑکی ثنا چیمہ کے قتل کی تصدیق ہوگئی، فرانزک رپورٹ میں انکشاف کیا گیا ہے کہ ثنا کو گلا دبا کر قتل کیا گیا۔

تفصیلات کے مطابق پاکستانی نژاد اطالوی لڑکی ثنا چیمہ کی ہلاکت میں پیشرفت ہوئی اور پنجاب فرانزک لیبارٹری کی فرانزک رپورٹ منظرعام پرآگئی، فرانزک رپورٹ میں انکشاف کیا گیا کہ اطالوی نژاد ثناء چیمہ کو گلہ دبا کر قتل کیا گیا، اس کی گردن کی  ہڈی ٹوٹی ہوئی تھی۔

پولیس نے فرانزک رپورٹ آنے  پر ملزمان کو قتل کے مقدمہ میں گرفتار کرلیا ہے۔

یاد رہے کہ گذشتہ ماہ 18 اپریل کو گجرات میں  پسند کی شادی کی خواہش پر اہلخانہ نے غیرت کےنام پر اپنی اطالوی بیٹی کو قتل کردیا تھا جبکہ اس کی موت کو  اتفاقیہ قرار دے کر دفنا دیا گیا تھا۔


مزید پڑھیں : گجرات: غیرت کے نام پر پاکستانی نژاد اطالوی لڑکی کا قتل


ثناء چیمہ کے مبینہ قتل کی خبر جب انٹرنیشنل میڈیا اور سوشل میڈیا پر نشر ہوئی تو کنجاہ پولیس نے ثناء چیمہ کے باپ غلام مصطفےٰ چیمہ بھائی اور چچا کو حراست میں لے کر قتل کا مقدمہ درج کر لیا تھا۔

پولیس کے مطابق ثنا چیمہ ،راجہ کامران سے شادی کرنا چاہتی تھی، راجہ کامران ثناچیمہ کی موت سے چندروز قبل اٹلی واپس گیا تھا، مبینہ قتل کی خبر راجہ کامران نےہی اٹلی کے اخبارات کو دی۔

گزشتہ ماہ 25 اپریل کو عدالت کے حکم  پر  ثناء چیمہ کی قبر کشائی کی گئی تاکہ اس بات کی تصدیق کی جا سکے کہ کیا ثناء چیمہ کو قتل کیا گیا تھا یا اس کی موت اتفاقیہ ہوئی تھی۔

خیال رہے کہ ثناء چیمہ نے انیس اپریل کو کامران نامی پاکستانی نژاد سے شادی کرنے کے لئے اٹلی جانا تھا اور اٹلی روانگی سے ایک روز قبل ہی اسے قتل کر دیا گیا تھا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں

Comments

comments

یہ بھی پڑھیں