اطالوی پولیس نے مسجد میں مسلمان کے بےرحمانہ قتل میں ملوث فرانسیسی ملزم کو گرفتار کر لیا۔
اٹلی کی پولیس نے جنوبی فرانس کی ایک مسجد میں مسلمان نمازی کو "اسلامو فوبک حملے” میں قتل کرنے کے شبہ میں ایک شخص کو گرفتار کیا ہے۔
گارڈ کے علاقے میں لا گرینڈ کومبی کی مسجد پر حملے کے دو دن بعد مشتبہ شخص کو اتوار کی رات گئے گرفتار کیا گیا۔ مسلمان شخص کے قتل کی مذمت ایک "مسلم مخالف” اور "نسل پرست” جرم کے طور پر کی گئی ہے۔
فرانسیسی وزارت داخلہ نے تصدیق کی ہے کہ مشتبہ شخص جو 2004 میں پیدا ہوا تھا اور اس کا کوئی سابقہ مجرمانہ ریکارڈ نہیں تھا، ہتھیار ڈالنے سے پہلے اٹلی میں داخل ہوا تھا۔
گارڈ کے جنوبی شہر ایلس کے پبلک پراسیکیوٹر عبدالکریم گرینی نے بی ایف ایم ٹی وی کو بتایا کہ پولیس مشتبہ شخص کے فرانس سے فرار ہونے کے بعد اس کا سراغ لگا رہی تھی اور اسے پکڑنے کے لیے پولیس کے پاس کچھ ہی وقت تھا۔
انہوں نے مزید کہا کہ قتل کا واقعہ مسلم مخالف ایک محرک ہو سکتا ہے جو کہ ترجیحی ہے لیکن دیگر محرکات کا بھی پتہ لگایا جارہا ہے۔
سیکیورٹی فوٹیج میں مبینہ طور پر حملہ آور کو حملہ کرنے سے پہلے خدا کی توہین کرتے ہوئے دکھایا گیا ہے۔
گرینی نے کہا کہ فرانس حوالگی کے عمل کو جلد شروع کر دے گا اور اسے جلد از جلد واپس لانے کی ہر ممکن کوشش کی جائے گی۔
