امیروں سے پیسے چرا کرغریبوں میں بانٹنے والا اطالوی رابن ہڈ -
The news is by your side.

Advertisement

امیروں سے پیسے چرا کرغریبوں میں بانٹنے والا اطالوی رابن ہڈ

روم : اٹلی میں امیر افراد کے بینک اکاؤنٹس سے پیسے چرا کر غریبوں میں بانٹنے والا شخص جیل جانے سے بچ گیا۔

تفصیلات کے مطابق اٹلی کے علاقے فورنی ڈی سوپرا میں امیروں کے اکاؤنٹس سے پیسے چرا کر غریبوں کی مدد کرنے والا بینک منیجر نوکری سے ہاتھ دھو بیٹھا۔

گلبرٹو بیسیریا نامی بینک منیجر نے سات سال میں 10 لاکھ یورو چوری کرکے ایسے افراد کے اکاؤنٹ میں جمع کرائے تھے جو کریڈٹ کارڈ بنوانے کے اہل نہیں تھے۔

انہوں نے کبھی چوری کی ہوئی رقم اپنی جیب میں نہیں ڈالی جس کے باعث وہ بینک حکام کے ساتھ پلی بارگین کے بعد جیل جانے سے بچ گئے۔

گلبرٹو بیسیریا کا کہنا تھا کہ میں نے ہمیشہ سیونگ کرنے والوں کو بچانے کی بجائے ضرورت مندوں کی مدد کرنے کا سوچا۔

اطالوی قانون کے مطابق چونکہ یہ ان کا پہلا جرم تھا اور اس کی سزا بھی دو سال کی تھی اس لیے انہیں جیل نہیں بھیجا گیا۔

مقامی میڈیا نے گلبرٹو بیسیریا نامی بینک منیجرکو جدید دور کا ’رابن ہڈ‘ کا نام دیا ہے۔

واضح رہے کہ فورنی ڈی سوپرا اٹلی کا ایک چھوٹا سا قصہ ہے جہاں ایک ہزار سے زیادہ افراد رہتے ہیں۔

Comments

comments

یہ بھی پڑھیں