اٹلی کی وزیراعظم جارجیا میلونی کا کہنا ہے کہ لیبیا کے مشتبہ شخص کی رہائی کے حوالے سے ان سے تفتیش کی جا رہی ہے۔
بین الاقوامی میڈیا رپورٹس کے مطابق انہوں نے اپنے بیان میں کہا کہ ان کے ملک کی جانب سے بین الاقوامی فوجداری عدالت کو مطلوب لیبیا کے پولیس افسر کی اچانک رہائی پر انہیں عدالتی تحقیقات کا سامنا ہے۔
منگل کو سوشل میڈیا پر پوسٹ کیے گئے ایک ویڈیو پیغام میں میلونی نے کہا کہ ان پر شبہ ہے کہ انہوں نے اسامہ الماسری نجم، جسے اسامہ الماسری نجم کے نام سے بھی جانا جاتا ہے، کے کیس کے سلسلے میں کسی جرم اور غبن میں مدد کرنے اور اس کی حوصلہ افزائی میں معاونت کی ہے۔
میلونی نے الزامات کو مسترد کرتے ہوئےکہا کہ وہ بلیک میل نہیں ہوں گی اور نہ ہی وہ تحقیقات سے ڈرتی ہیں۔
میلونی کا کہنا تھا کہ استغاثہ نے وزیر انصاف کارلو نورڈیو، وزیر داخلہ میٹیو پیانٹیدوسی اور انٹیلی جنس معاملات کے لیے کابینہ کے انڈر سیکریٹری کو بھی زیر تفتیش رکھا تھا۔
