اسٹرمبولی: اطالوی جزیرے اسٹرمبولی پر آتش فشاں پھٹ پڑا ہے جس سے لاوے کا بہاؤ سمندر تک پہنچ گیا۔
تفصیلات کے مطابق اطالوی جزیرے اسٹرومبولی پر ایک آتش فشاں پھٹا ہے جس سے ہزاروں فٹ تک دھوئیں اور راکھ کے بادل فضا میں اڑے۔
پہاڑ پھٹنے سے ایک پائروکلاسٹک بہاؤ اور لاوا بہہ نکلا جو پہاڑ کے کنارے سے نیچے دوڑتا ہوا ٹائرہینیئن سمندر کے پانیوں تک پہنچ گیا۔
سسلی کے قریب جنوبی اطالوی ساحل پر واقع یہ آتش فشاں مقامی وقت کے مطابق اتوار کو پھٹا، آتش فشاں اور لاوا بہنے سے تین منٹ تک علاقے میں زلزلہ بھی ریکارڈ کیا گیا۔
یہ آتش فشاں باقاعدہ طور پر پھٹنے اور لاوا بہنے سے قبل اس میں پہلا بڑا دھماکا 29 ستمبر کو ریکارڈ کیا گیا تھا۔
The Stromboli volcano off the Sicilian coast erupted, sending up plumes of smoke and spilling lava into the sea 🌋 pic.twitter.com/iQTscI1GkJ
— Reuters (@Reuters) October 10, 2022
حکام نے الرٹ جاری کر دیا ہے، اٹلی کے محکمہ شہری تحفظ نے الرٹ کو پیلے رنگ سے نارنجی کر دیا اور کہا ہے کہ آتش فشاں میں عدم توازن کی صورت حال برقرار ہے، اس لیے سخت نگرانی کی جا رہی ہے۔
اسٹرمبولی کا جزیرہ سسلی کے شمال میں واقع ہے اور یہ اسٹرمبولی پہاڑ کا گھر ہے، جو کہ زمین پر سب سے زیادہ فعال آتش فشاؤں میں سے ایک ہے، اور یہ پچھلے 90 برس سے مسلسل پھٹ رہا ہے۔
#stromboli #volcano Well it certainly got quite hairy there today. This was around 6pm and a strong backwind offered a degree of protection. Filmed well below the 290mtr limit. Hasty retreat for pizza and moretti and new underpants 😐 pic.twitter.com/Z8OGYiQvkY
— Steven H (@volcanohull) October 9, 2022
یہ پہاڑ سطح سمندر سے تقریباً 3 فٹ بلندی پر کھڑا ہے، اسے ’بحیرہ روم کا لائٹ ہاؤس‘ بھی کہا جاتا ہے کیوں کہ جزیرے کے کئی مقامات کے ساتھ ساتھ ارد گرد کے پانیوں سے بھی اس کے پھٹنے کا منظر اکثر دیکھا جا سکتا ہے۔
