The news is by your side.

Advertisement

مسجد الحرام اور مسجد بنوی میں اعتکاف کے خواہشمند افراد کی ریکارڈ درخواستیں

مکہ مکرمہ : مسجد الحرام اور مسجد بنوی میں اعتکاف کے خواہشمند افراد کی چار ہزار سے زائد درخواستیں موصول ہوگئیں۔

تفصیلات کے مطابق حرمین شریفین میں اعتکاف کے خواہشمند افراد نے انتظامیہ کو ریکارڈ درخواستیں جمع کرادیں۔

انتظامیہ کا کہنا ہے کہ مسجد الحرام اور مسجد نبوی میں اعتکاف کیلئے اب تک چار ہزار سے زیادہ درخواستیں موصول ہوچکی ہیں، جن میں تین ہزار مرد اور ایک ہزار خواتین کی درخواستیں شامل ہیں۔

دوسری جانب مسجد الحرام میں آسانی کیلئے بزرگ اوربچوں کیلئے رہنمائی کا کارڈ بھی متعارف کرادیا گیا ہے۔

خیال رہے کورونا وبا کے باعث دو سال سے مسجد الحرام میں اعتکاف کی اجازت نہیں تھی۔

یاد رہے مسجدالحرام کو رمضان المبارک میں مکمل طو رپر کھول دیا گیا ہے، رمضان کے دوران عمرہ زائرین کو سہولیات فراہمی کیلئے انتظامات مکمل ہیں، حرمین شریفین انتظامیہ نے مسجدالحرام کے صحنوں اور ایکسٹینشنز کو کھولا گیا ہے۔

مسجدالحرام میں کراؤڈکنٹرول کرنےکیلئے مختلف راستوں کا تعین کیا گیا ہے مسجدالحرام کی تیسری سعودی ایکسٹینشن کے تمام فلورز کو بھی کھول دیا گیا ہے۔

Comments

یہ بھی پڑھیں