شوبز انڈسٹری کی معروف اداکارہ حرا خان کی ویڈیو سوشل میڈیا پر وائرل ہوگئی۔
فوٹو اور ویڈیو شیئرنگ ایپ انسٹاگرام پر حرا خان نے ویڈیو شیئر کی جس میں انہیں خوشگوار موڈ میں ویڈیو بناتے دیکھا جاسکتا ہے۔
انہوں نے ویڈیو شیئر کرتے ہوئے کیپشن میں لکھا کہ ’کیا یہ برا خیال ہے ٹھیک ہے۔‘
حرا خان نے گانے کے بول ’بیڈ آئیڈیا رائٹ‘ پر ویڈیو بنائی ہیں جسے اولیویا روڈریگو نے گایا ہے۔
اس سے قبل حرا خان کی بھارتی گانے پر رقص کرنے کی ویڈیو سوشل میڈیا پر وائرل ہوگئی تھی جسے مداحوں کی جانب سے سراہا گیا تھا۔
واضح رہے کہ گزشتہ دنوں حرا خان پاکستان کے خلاف بنائی جانے والی پروپیگینڈا فلم کا حصہ بننے پر بالی وڈ اسٹارز پر برس پڑی تھیں۔
ہیرو ہریتک روشن کی فلم ’فائٹر‘ کے ٹریلر کی ریلیز کے بعد پاکستانی اداکارہ نے شدید مایوسی کا اظہار کیا ہے۔
حرا خان کا کہنا تھا کہ ’یہ دیکھ کر مایوسی ہوئی کہ بالی وڈ کے بڑے سپراسٹارز بھی پاکستان کیخلاف پروپیگینڈا فلموں کا حصہ بنتے ہیں تاکہ ان کی فلم کمائی کرسکے۔‘
