لاہور : ایف بی آر کی ٹیم نے کروڑوں روپے کی بدعنوانی میں ملوث اتفاق آئرن انڈسریز دو افسران کو گرفتار کرلیا، ملزمان کے خلاف مکمل ثبوت اور ٹھوس شواہد کے بعد کاروائی کی گئی۔

تفصیلات کے مطابق ایف آئی اے لاہور کے عملے نے کروڑوں روپے کی ٹیکس چوری پر بڑا آپریشن کرتے ہوئے اتفاق آئرن انڈسریز کے2افسران کو گرفتار کرلیا۔

اس حوالے سے ایف بی آر ذرائع کا کہنا ہے کہ گرفتار ملزمان پر42کروڑ37لاکھ سے زائد رقم پر ٹیکس چوری کا الزام ہے، اتفاق آئرن انڈسٹریز کے افسران نے7کروڑ سے زائد ٹیکس کی چوری کی۔

ایف بی آر حکام نے میڈیا کو بتایا کہ ملزمان کو واضح اور ٹھوس شواہد کے بعد کارروائی کرکے گرفتار کیا گیا ملزمان کو جسمانی ریمانڈ کے بعد کڑی تفتیش سے گزارا جائے گا۔

ایف بی آر ذرائع کا مزید کہنا ہے کہ ایف بی آر نے صنعتی ٹیکس چوروں کیخلاف میگا آپریشن شروع کر دیا ہے، مزید کارروائیاں بھی جلد متوقع ہیں۔