site
stats
عالمی خبریں

امریکی صدر کی صاحبزادی ایوانکا ٹرمپ حیدرآباد دکن پہنچ گئیں

حیدرآباد : امریکی صدرڈونلڈ ٹرمپ کی صاحبزادی ایوانکا ٹرمپ بھارت کے شہرحیدرآباد دکن پہنچ گئیں۔

غیرملکی خبرایجنسی کے مطابق ایوانکا ٹرمپ واشنگٹن کے تعاون سے منعقد ہونے والی بزنس کانفرنس کے افتتاحی سیشن سے خطاب کریں گی، ایوانکا کے شوہرجیراڈکشنر بھی ان کے ہمراہ بھارت پہنچے ہیں۔

 

کانفرنس میں بھارتی وزیراعظم نریندرمودی بھی شریک ہوں گے، گلوبل انٹرپرینرشپ سمٹ 28 نومبر سے 30 نومبر تک جاری رہے گی۔

بھارتی وزیراعظم کی جانب سے فلک نومہ محل میں ایوانکا ٹرمپ کے اعزاز میں پر تعیش عشائیے کا اہتمام بھی کیا گیا ہے۔


مزید پڑھیں : امریکی صدر کی بیٹی ایوانکا ٹرمپ اے آر رحمان کی مداح نکلی


امکان ظاہر کیا جارہا ہے کہ امریکی صدر ڈونلڈ ٹرمپ کی صاحبزادی اے آر رحمان کے حیدرآباد میں ہونے والے کنسرٹ ” اے آر رحمان انکور” میں شرکت کریں گی۔

ایوانکا ٹرمپ کے دورے کے لئے حیدر آباد دکن میں سیکورٹی کے سخت اقدامات کئے گئے ہیں۔

حیدرآباد کے پولیس کمشنر وی وی سری نواس راﺅ نے میڈیا کو بتایا کہ ریاستی پولیس نے امریکی سیکرٹ سروس، انٹیلی جنس سیکیورٹی ونگ اور سٹی سیکیورٹی ونگ کے ساتھ مل کر ایوانکا اور مودی کی سلامتی کو یقینی بنانے کے لیے مختلف اقدامات کیے ہیں۔

انہوں نے کہا کہ دونوں شخصیات کے لیے الگ الگ حفاظی انتظامات کیے گئے ہیں۔


مزید پڑھیں : دورہ جاپان، امریکی صدر کی بیٹی ایوانکا ٹرمپ کے لباس پر تنقید


یاد رہے چند روز قبل ایوانکا جاپان کے دورے میں توجہ کا مرکز بنی رہی تھی، ان کے اسٹائل اور ڈریسنگ پر بھی جاپان میں بحث شروع ہوگئی تھی۔

سیمینار میں پہنے گئے لباس پر ایوانکا کو کڑی تنقید کا سامنا کرنا پڑا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top