The news is by your side.

Advertisement

پی پی اوردیگر پارٹیاں ہمارے جلسے سے گھبرا گئی ہیں: خواجہ اظہار الحسن

کچھ لوگ ایم کیوایم میں دراڑڈالنے کا سوچ رہے تھے، آج بھی پروپیگنڈا جاری ہے

 کراچی: ایم کیو ایم کے سینئر رہنما خواجہ اظہار الحسن کا کہنا ہے پی پی اوردیگر پارٹیاں ہمارے جلسے سے گھبرا رہی ہیں، جس دن سے ہم نے جلسے کا اعلان کیا ہے، لوگوں کا تانتا بندھا ہوا ہے۔

ان خیالات کا اظہار انھوں‌ نے ٹنکی گراؤنڈ کے دورے کے موقع پر کیا، اس دوران انھوں نے جلسے کے انتظامات کا جائزہ لیا اور عوام سے ملاقات کی.

ہمارا جلسہ، جلسہ نہیں 2018 کے الیکشن کی تیاری ہے

خواجہ اظہار الحسن

خواجہ اظہار الحسن کا کہنا تھا کہ ہمیں انتظامیہ کی جانب سے اجازت نامہ مل گیا ہے، 5 مئی کو جلسہ ہوگا، آج مختلف علاقوں سے ریلیاں یہاں پہنچیں گی۔

ایم کیو ایم کے سینئر رہنما نے کہا کہ ریلیاں رات 10 بجے تک پہنچ جائیں گی، مختلف ریلیوں کی قیادت فاروق ستار، عامر خان اور دیگر رہنما کریں گے.

انھوں نے مزید کہ کچھ لوگ ایم کیوایم میں دراڑ ڈالنے کا سوچ رہے تھے، آج بھی ہمارے خلاف پروپیگنڈے کیے جا رہے ہیں، اس سلسلے کو روکا جائے، ہم نے سب سے زیادہ قربانی دی، ہمارا جلسہ، جلسہ نہیں 2018 کے الیکشن کی تیاری ہے.

خواجہ اظہار کا کہنا تھا کہ جلسے کی اجازت مل گئی، انتطامات مکمل ہیں. انھوں‌ نے امید ظاہر کی جلسے میں عوام کی بڑی تعداد شرکت کرے گی.

یاد رہے کہ چند روز قبل ٹنکی گراؤنڈ میں‌ پیپلزپارٹی نے پاور شو کیا تھا، جس کے بعد ایم کیو ایم کے مختلف دھڑوں کی جانب سے جلسے کے اعلانات کیے گئے، تاہم فاروق ستاراپنا جلسہ موخر کرکے بہادر آباد پہنچ گئے، اختلافات ختم ہونے کے بعد دونوں‌ دھڑے ایک ہوگئے اور پانچ تاریخ کو جلسے کا اعلان کیا.


پیپلزپارٹی کے جلسے نے ایم کیو ایم کے دھڑوں کو ایک کر دیا، بہادر آباد میں‌ اہم بیٹھک


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

 

Comments

comments

یہ بھی پڑھیں