اسلام آباد: عالمی شہرت یافتہ پاپ سنگر مائیکل جیکسن کے بھتیجے جافر جیکسن نے پاکستان کا رخ کر لیا ہے۔
تفصیلات کے مطابق لے جنڈ پاپ سنگر مائیکل جیکسن کے بھتیجے نوجوان سنگر جافر جیکسن 5 روزہ دورے پر پاکستان پہنچ گئے ہیں۔ جافر جیکسن وفاقی دارالحکومت کے بعد لاہور بھی جائیں گے.
جافر جیکسن لاس اینجلس، کیلی فورنیا کے ایک ابھرتے ہوئے گلوکار، نغمہ نگار اور انٹرٹینر ہیں، وہ لے جنڈ سنگر اور پروڈیوسر جرمین جیکسن کے دوسرے سب سے چھوٹے بیٹے ہیں، اور پاپ موسیقی کے بادشاہ مائیکل جیکسن اور ملکہ جینٹ جیکسن کے بھتیجے ہیں۔
مائیکل جیکسن کی زندگی پر فلم بنائے جانے کا امکان
جافر جیکسن کے والد جرمین جیکسن کے بارے میں کہا جاتا ہے کہ وہ 1989 میں بحرین کے دورے کے بعد مسلمان ہو گئے تھے، اور اسلام قبول کرنے کی وجہ چھوٹے بچے بنے تھے، جن کا اسلام کے ساتھ لگاؤ دیکھ کر وہ بہت متاثر ہوئے۔
جافر جیکسن کے والد نے پاپ سنگر مائیکل جیکسن کی اس وقت بھی بہت مدد کی تھی جب 2005 میں انھیں بچے کے ساتھ زیادتی کے مقدمے کا سامنا تھا۔
