اے آر وائی ڈیجیٹل کے نئے ڈرامہ سیریل ’جانِ جہاں‘ کی اداکارہ سویرا ندیم نے مداحوں کے نام پیغام جاری کردیا۔
ڈرامہ سیریل ’جانِ جہاں‘ میں اداکار حمزہ علی عباسی اور عائزہ خان مرکزی کردار نبھائیں گے، دیگر کاسٹ میں سویرا ندیم، نوال سعید ودیگر شامل ہیں۔
جانِ جہاں کی ہدایت کاری کے فرائض قاسم علی مرید نے انجام دیے ہیں جبکہ اس کی کہانی ردا بلال نے لکھی ہے۔
ڈرامہ سیریل ’جانِ جہاں‘ کی پہلی قسط 22 دسمبر بروز جمعہ کو نشر کی جائے گی اور ناظرین ہر جمعے اور ہفتے کی رات 8 بجے ڈرامہ دیکھ سکیں گے۔
تاہم اب فوٹو اور ویڈیو شیئرنگ ایپ انسٹاگرام پر اداکارہ سویرا ندیم نے مداحوں کے نام ویڈیو پیغام جاری کیا ہے۔
اداکارہ نے ڈرامے میں اپنے کردار کا کلپ شیئر کیا جس میں وہ کہتی ہیں کہ ’کچھ تو مجھ میں ایسا ہے ورنہ کون اپنی بیوی کے لیے اتنا جتن کرتا ہے۔‘
سویرا ندیم نے مداحوں کو مخاطب کرتے ہوئے کہا کہ ’تین دن بعد آپ میرا ڈرامہ سیریل جان جہاں دیکھنا مت بھولئے گا۔
