آکلینڈ: نیوزی لینڈ کی وزیراعظم جیسنڈا آرڈرن نے زندگی کی چالیس بہاریں دیکھ لیں.
غیرملکی خبررساں ادارے کی رپورٹ کے مطابق نیوزی لینڈ کی وزیراعظم جیسنڈا آرڈرن چالیسویں سالگرہ میں آفس اسٹاف نے بریف کیس اور فائلز کی شکل جیسا کیک پیش کردیا.
جیسنڈا آرڈرن نے وضاحت دیتے ہوئے بتایا کہ یہ منفرد کیک انہیںایک مداحکی جانب سے فراہم کیا گیا ہے اور انہوں نے ہی میری بیٹی کی دوسری سالگرہ پر ایک پیانو کی طرز کا کیک بنا کر دیاتھا.
آرڈرن کی جانب سے گزشتہ روز سالگرہ کے کیک کی تصویر سوشل میڈیا پر شیئر کی گئیں، دیکھا جاسکتا ہے کہ یہ کیک کم اور آفس کے قیمتی ڈاکومنٹس زیادہ لگ رہے ہیں.
سوشل میڈیا پر بھی کیک بنانے والے شخص کی تعریف کے ساتھ ساتھ وزیراعظم کو مبارک باد دی جارہی ہے.
سینتیس برس کی عمر میں نیوزی لینڈ کی کم عمر ترین وزیراعظم بننے والی جیسنڈا بحیثیت وزیراعظم دہشت گردے حملے، انتہائی ملک آتش فشاں اورکرونا وائرس سے کامیابی سے نبرد آزما ہوئیں.
واضح رہے کہ چند روز قبل کیوی وزیراعظم کی ٹک ٹاک ویڈیو بھی سوشل میڈیا پر وائرل ہوئی تھی جس میں وہ اپنی ہم شکل خاتون کے ساتھ خوشگوار موڈ میںدکھائی دے رہی تھیں.