ہالی ووڈ اسٹار جانی ڈیپ پھر جیک سپیرو بن گئے، انھوں نے اپنے مشہور اور مقبول کردار جیک سپیرو کے روپ میں ایک اسپتال پہنچ کر انتظامیہ اور مریض بچوں کو حیران کر دیا۔
میڈیا رپورٹس کے مطابق جانی ڈیپ نے پھر جیک سپیرو کا روپ دھار لیا ہے، مشہور فلمی کردار کا روپ دھار کر وہ اسپین کے شہر سین سیبیسٹین میں بچوں کے اسپتال پہنچ گئے۔
بچے جیک سپیرو کو اپنے درمیان دیکھ کر حیران رہ گئے، اسپتال کے سوشل میڈیا کے مطابق اپنے پائریٹس آف دی کیریبین کردار کیپٹن جیک اسپیرو کے لباس میں ملبوس، جانی ڈیپ نے جمعرات 26 ستمبر کو اسپین کے شہر میں واقع ڈونوسٹیا یونیورسٹی اسپتال کے بچوں سے ملاقات کی۔
مقامی میڈیا کے مطابق جانی ڈیپ نے اسپتال میں پیڈیاٹرکس اور آنکالوجی وارڈ میں داخل مریضوں کے ساتھ بات چیت کی اور ان کے ساتھ کھیل کھیلا، اور کیپٹن جیک اسپیرو کے کردار میں اُسی کے انداز میں بچوں کے ساتھ وقت گزارا۔
اسپتال نے جانی ڈیپ کے دورے کی تصاویر X پر پوسٹ کیں، سوشل میڈیا پر ویڈیوز بھی وائرل ہوئیں۔ واضح رہے کہ 61 سالہ اداکار جانی ڈیپ ان دنوں سان سیبسٹین فلم فیسٹیول میں شرکت کے لیے اسپین کے دورے پر ہیں۔
