جیک آباد میں سٹی پولیس نے اسمگلر کو کار سمیت گرفتار کرلیا جس کی گاڑی سے نان کسٹمز پیڈ مختلف قسم کے آٹھ سو موبائل فون برآمد ہوئے۔
تفصیلات کے مطابق جیکب آباد میں خفیہ اطلاع پر سٹی پولیس نے ایک اسمگلر کو کار سمیت گرفتار کرلیا، گرفتار ملزم سے نان کسٹمز پیڈ مختلف قسم کے 800 موبائل فون برآمد ہوئے ہیں۔
پولیس کا کہنا ہے کہ کارروائی قائد اعظم روڈ پر کی گئی، بلوچستان سے آنے والی کار کو روک کر تلاشی لی تو مختلف قسم کے لاکھوں روپے کے نان کسٹمز پیڈ 800 موبائل فون برآمد ہوئے۔
پولیس کا کہنا ہے کہ گرفتار ملزم کی شناخت سبی بلوچستان کے رہائشی جاوید اقبال ابڑو کے نام سے ہوئی ہے، قانونی کارروائی کے بعد گرفتار ملزم کو کار اور برآمد ہونے والے موبائل فونز سمیت کسٹمز حکام کے حوالے کر دیا گیا۔
