جیکب آباد: سندھ کے شہر جیکب آباد میں مسلح افراد نے گھر میں گھس کر فائرنگ کردی جس سے ایک ہی خاندان کے چار افراد جاں بحق ہوگئے۔
تفصیلات کے مطابق صوبہ سندھ کے شہر جیکب آباد میں فائرنگ سے ایک ہی خاندان کے چار افراد جان کی بازی ہار گئے واقعہ اس وقت پیش آیا جب تمام افراد گھر میں سورہے تھے.
پولیس کےمطابق کوٹ عبدالحمید کے رہائشی عبدالرشید اپنے اہل خانہ کے ساتھ گھر میں سوئے ہوئے تھے ۔اس دوران مسلح افرا د نے گھر میں گھس کر فائرنگ کردی ۔
فائرنگ سےعبدالرشید، اس کے دو بیٹےعنایت،ولی محمد اوراس کی پوتی سمیرا جاں بحق ہوگئی۔فائرنگ کےبعد ملزمان فرار ہوگئے۔
پولیس کا کہنا ہے کہ واقعہ بانبن برادری کےدوگرپوں میں پرانی دشمنی کی وجہ سے پیش آیا۔
