The news is by your side.

Advertisement

پانی بندش کے خلاف ریلی، پی پی کارکن کو سانپ نے ڈس لیا

جیکب آباد: سندھ میں نہری پانی کی بندش کےخلاف احتجاج کرنے والے پی پی پی کارکن کو سانپ نے ڈس لیا۔

تفصیلات کے مطابق جیکب آباد میں نہری پانی کی بندش کےخلاف ریلی نکالی گئی، ریلی کی قیادت مشیر جیل خانہ جات سندھ اعجاز حسین جاکھرانی کررہے تھے، ریلی میں رکن سندھ اسمبلی ڈاکٹر سہراب سرکی سمیت ہزاروں کی تعداد میں شہری اور دیہاتی مرد وخواتین شریک ہوئے۔

ریلی سے خطاب کرتے ہوئے اعجاز جاکھرانی کا کہنا تھا کہ وفاقی حکومت نے سازش کے تحت سندھ کا نہری پانی بندکیا ہے، وفاقی حکومت کی کوشش ہے کہ نہری پانی بند کرکے سندھ کوبنجر بنایا جائے۔

ریلی کے دوران افسوسناک واقعہ پیش اس وقت پیش آیا جب پی پی پی کارکن کو سانپ نے ڈس لیا۔

پولیس ذرائع کا کہنا ہے کہ پی پی کارکن رحمت اللہ کھوسہ احتجاج میں سانپ خود لایا تھا اور اسے ہاتھ میں اٹھا کر پانی کی بندش کیخلاف احتجاج کررہاتھا کہ اسے سانپ نے ڈس لیا، زخمی کارکن کو فوری طور پر طبی امداد کے لئے اسپتال منتقل کیا گیا جہاں اس کا علاج جاری ہے۔

Comments

یہ بھی پڑھیں