ممبئی: بالی وڈ اداکارہ جیکولین فرنینڈس کے 215 کروڑ بھارتی روپے کے بھتہ خوری کیس میں ملوث ہونے کا ثبوت ملنے کے بعد ایک اور مصیبت میں پھنس گئیں ہیں۔
جیکولین عدالتی کارروائی میں شرکت کے لیے خبروں میں رہی ہیں، اب کاسمیٹک سرجری کے بارے میں اپنے پرانے بیان کی وجہ سے ٹرول ہو رہی ہیں۔
بھارتی میڈیا رپورٹ کے مطابق مس یونیورس 2006 میں اپنے ملک کی نمائندگی کرنے والی جیکولین نے ایک بیان میں کاسمیٹک سرجری کو ایک غیر منصفانہ فائدہ قرار دیا تھا۔
انکی یہ ویڈیو ایک فین پیچ کی جانب سے شئیر کی گئی ہے جس میں بھارتی اداکارہ کا کہنا تھا کہ کاسمیٹک سرجری کا استعمال مس یونیورس کے تصور کے خلاف ہے، اس سے قدرتی خوبصورتی کی توہین ہوتی ہے۔
سوشل میڈیا پر ویڈیو شئیر کی گئی توصارفین نے جیکولین فرنینڈس کی منافقت پر انہیں تنقید کا نشانا بنایا۔
ایک صارف کا کہنا تھا کہ اس طرح تبصرہ کرنے کے بعد انہوں نے پتا نہیں اپنی کتنی کاسمیٹک سرجری کروائی ہے، اور پھر فلموں میں آنے لگی۔
