جمعرات, اپریل 3, 2025
اشتہار

جعفر ایکسپریس 16 روز بعد بحال، پشاور سے کوئٹہ کیلئے روانہ

اشتہار

حیرت انگیز

پشاور : جعفر ایکسپریس 16 روز بعد بحال کردی گئی اور ٹرین پشاور سے کوئٹہ کیلئے روانہ ہوگئی۔

تفصیلات کے مطابق جعفر ایکسپریس سولہ روز بعد بحال کردی گئی، وفاقی وزیر امور کشمیر و گلگت بلتستان انجینئرامیرمقام نے جعفر ایکسپریس کو روانہ کیا،اس موقع پر خصوصی دعا بھی کی گئی، جس کے بعد ٹرین پشاور سے کوئٹہ کیلئے روانہ ہوگئی۔

اس موقع پر وفاقی وزیر نے میڈیا سے گفتگو کرتے ہوئے کہا کہ وزیراعظم کی خصوصی ہدایات پر جعفر ایکسپریس کو جلد بحال کردیا گیا ہے، حکومت اور پاک فوج کی قیادت میں یہ تہیہ کیا جا چکا ہے کہ دہشت گردوں کے عزائم کامیاب نہیں ہونے دیں گے۔

انجینئرامیر مقام کا کہنا تھا کہ آرمی چیف کی قیادت میں دہشت گردوں کوشکست ہوگی، جوبلوچستان کی ترقی روکنا چاہتے ہیں انہیں مایوسی ہوئی، وزیراعظم اورآرمی چیف ملکی سلامتی کیلئےپرعزم ہیں، دہشت گردوں کے آگے ہتھیار نہیں ڈالیں گے۔

انھوں نے کہا کہ پاک فوج کی حمایت میں پوری قوم متحد ہے، دہشت گردی کے خلاف قوم متحد ہے، کوئی سیاست نہ کرے، اتحاد و یگانگت سے چیلنجز پر قابو پایا جاسکتا ہے۔

وفاقی وزیر کا مزید کہنا تھا کہ مخصوص جماعت نفرت اورشرانگیزی کی سیاست کررہی ہے، پی ٹی آئی رہنماؤں میں شدید اختلافات ہیں، بانی پی ٹی آئی کی ہدایت پر دی گئی آخری کال ٹھس ہوئی تھی، عوام آئندہ بھی پی ٹی آئی کی احتجاج کی کال مسترد کریں گے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں