جعفرآباد : نجی اسکول میں 5 طلبا سے زیادتی کرنے والے پرنسپل اور وارڈن کو گرفتار کرلیا گیا اور گرفتار ملزمان نے طلبہ سے اجتماعی بدفعلی کا اعتراف کرلیا ہے۔
تفصیلات کے مطبق جعفرآباد میں نجی اسکول میں پانچ بچوں سے زیادتی کا واقعہ سامنے آیا، میڈیکل رپورٹ میں چار بچوں سے زیادتی کی تصدیق ہوگئی ، بچوں سے ایک سے زائد بار زیادتی ہوئی۔
ایس ایس پی جعفرآباد نے بتایا کہ نجی اسکول کوسیل کرکےزیادتی کےالزام میں پرنسپل اوروارڈن کوگرفتارکرلیاگیا ہے اور پرنسپل کےبھائی کی گرفتاری کےلیےچھاپےمارے جارہےہیں۔
نجی اسکول میں زیر تعلیم 5 کمسن طلبہ سے بدفعلی واقعہ کا مقدمہ تھانہ ڈیرہ اللہ یار میں اسکول پرنسپل اور وارڈن سمیت 3 افراد کے خلاف درج کرلیا گیا، بدفعلی واقعہ کی ایف آئی آر متاثرہ بچے کے والد کی مدعیت میں درج کی گئی۔
ایف آئی آر میں اسکول پرنسپل محمد ندیم، انکے بھائی عبداللطیف اور وارڈن ابراہیم کو نامزد کیا گیا ہے ، متاثرہ بچوں کی طبی معائنے میں ایک سے زیادہ بار بدفعلی کی تصدیق کے بعد پولیس نے تفتیش کا دائرہ وسیع کردیا۔
ڈی ایس پی محمد داٶد کھوسہ کے مطابق گرفتار پرنسپل اور وارڈن نے ابتدائی تفتیش میں بچوں سے بدفعلی کا اعتراف کرلیا ہے۔
متاثرہ بچے کے والد دوران جکھرانی نے میڈیا سے گفتگو میں بتایا کہ انہیں گزشتہ روز بچوں نے فون کرکے اسکول بلایا اور بدفعلی سے متعلق آگاہ کیا، ہمارے خاندان کے 7 بچے اسکول میں زیر تعلیم تھے۔
