The news is by your side.

Advertisement

کاشت کاروں کا حق چھیننےپرشہبازشریف کوشرم آنی چاہیے‘ جہانگیرترین

لاہور: پاکستان تحریک انصاف کے رہنما جہانگیرترین کا کہنا ہے کہ شہبازشریف کی شوگر ملز کاشت کاروں کوکم پیسے ادا کر رہی ہیں۔

تفصیلات کے مطابق پاکستان تحریک انصاف کے رہنما جہانگیرترین نے سماجی رابطے کی ویب سائٹ ٹویٹر پر اپنے پیحام میں کہا کہ شہبازشریف کی شوگر ملز کاشت کاروں کو 180 کے بجائے 150 روپےادا کر رہی ہیں۔

انہوں نے کہا کہ شہباز شریف کاشت کاروں کو 15 سے 20 فیصد کم ادائیگی کر رہے ہیں، شریف خاندان کی تمام ملزکھلے عام قانون کی خلاف ورزی کر رہی ہیں۔

جہانگیر ترین نے کہا کہ پنجاب کی انتظامیہ اس نا انصافی کو نظر انداز کر رہی ہے، کاشت کاروں کا حق چھیننے پرشہباز شریف کو شرم آنی چاہیے۔


جہانگیر ترین کو صادق اور امین سمجھتا ہوں: پرویز خٹک


خیال رہے کہ وزیراعلیٰ خیبرپختونخواہ پرویز خٹک کا کہنا ہے کہ میری نظرمیں جہانگیرترین صادق وامین ہیں، ہم فیصلے کے خلاف نظرثانی اپیل دائرکریں گے، جہانگیرترین کے خلاف کرپشن اورمنی لانڈرنگ ثابت نہیں ہوئی۔

یاد رہے کہ 16 دسمبر کوپاکستان تحریک انصاف کے رہنما جہانگیر ترین نے سپریم کورٹ سے اپنی نا اہلی کا فیصلہ آنے کے بعد پارٹی کے سیکریٹری جنرل کے عہدے سے استعفیٰ دے دیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں