اسلام آباد: پاکستان تحریک انصاف کے رہنما جہانگیر ترین نے ملک میں چینی کی قلت ختم کرنے کیلئے حکومت سے تعاون کا اعلان کردیا اور کہا میری تمام 6 شوگر ملز 10 نومبر سے کرشنگ کا آغاز کر دیں گی۔
تفصیلات کے مطابق پاکستان تحریک انصاف کے رہنما جہانگیر ترین نے سماجی رابطے کی ویب سائٹ ٹوئٹر پر چینی کی قلت ختم کرنے کیلئے حکومت سے تعاون کا اعلان کرتے ہوئے کہا جے ڈی ڈبلیو شوگر ملز 10 نومبر کرشنگ کے حکومتی فیصلے کے خلاف پٹیشن کا حصہ نہیں، میری تمام 6 شوگر ملز 10 نومبر سے کرشنگ کا آغاز کر دیں گی، جے ڈی ڈبلیو گروپ چینی قلت کے خاتمے اور قیمت میں کمی کیلئے تعاون کرے گا۔
Let me state for the record that JDW is NOT part of the petition against GOPb notification to start sugar Mills on 10th Nov. All of my mills, including those in Sind will start crushing on 10th. Will play my part in helping the Govt overcome the sugar shortage and price hike
— Jahangir Khan Tareen (@JahangirKTareen) November 6, 2020
یاد رہے علاج کی غرض سے بیرون ملک جانے والے جہانگیر تر ین آج غیر ملکی پرواز کے ذریعے براستہ دبئی علامہ اقبال ایئر پورٹ پہنچے تھے، وہ 7 ماہ ہیمپشائر کنٹری ہوم میں مقیم رہے۔
جہانگیر تر ین کا کہنا تھا کہ وہ علاج کی غرض سے باہر گئے تھے، اور 7 سال سے ہر سال علاج کے لیے باہر جاتے رہتے ہیں۔
اپنے اوپر لگائے گئے الزامات کے حوالے سے انھوں نے میڈیا سے گفتگو میں کہا تھا کہ اپوزیشن کا کام ہے الزام لگانا، جواب دینا ضروری نہیں، اللہ کا شکر ہے کہ میرا تمام کاروبار شفاف ہے۔
