اسلام آباد : توشہ خانہ اورالقادرٹرسٹ کیس کا جیل ٹرائل اسلام آباد ہائیکورٹ میں چیلنج کردیا گیا، جس میں استدعا کی کہ جیل ٹرائل کے نوٹیفکیشنز کو کالعدم قرار دیا جائے۔
تفصیلات کے مطابق توشہ خانہ اور القادرٹرسٹ کیس کے جیل ٹرائل کیخلاف اسلام آباد ہائیکورٹ میں درخواست کردی۔
بانی پی ٹی آئی نے جیل ٹرائل کے دونوں نوٹیفکیشن کیخلاف درخواست دائرکی، درخواست میں کہا گیا کہ القادرٹرسٹ کیس میں 14نومبر کو جیل ٹرائل کا نوٹیفکیشن ہوا، توشہ خانہ کیس میں28 نومبر کو جیل ٹرائل کانوٹیفکیشن جاری ہوا۔
درخواست میں کہنا تھا کہ جیل ٹرائل کے نوٹیفکیشن غیر قانونی اوربدنیتی پر مبنی ہیں ، استدعا کی کہ جیل ٹرائل کے نوٹیفکیشنز کو کالعدم قرار دیا جائے ،درخواست کے زیر التوا رہنے تک ٹرائل کورٹ کارروائی کو روکا جائے۔
توشہ خانہ اور القادرٹرسٹ کیس میں دونوں درخواستوں میں چیئرمین نیب اور دیگر کو فریق بنایا گیا ہے۔
