کراچی: اے آر وائی ڈیجیٹل کے معروف ڈرامہ سیریل ’جلن‘ کی آخری قسط آج رات 8 بجے نشر کی جائے گی۔
تفصیلات کے مطابق مقبول ڈرامہ سیریل ’جلن‘ کی آخری قسط دیکھنے کے لیے مداح بے صبری سے انتظار کررہے ہیں، مداح ڈرامے میں منفی کردار نبھانے والی اداکارہ منال خان (نشا) کا انجام دیکھنے کے لیے بے چین ہیں۔
Don’t forget to watch the Last Episode of #Jalan Tonight at 8:00 PM only on #ARYDigital @MinalKofficial @emmadirfani @habib_areeba pic.twitter.com/1HY1T5rfg2
— arydigitalasia (@arydigitalasia) December 16, 2020
واضح رہے کہ گزشتہ روز ڈرامے کی سیکنڈ لاسٹ قسط نشر کی گئی تھی جس میں دکھایا گیا تھا کہ ’اصفی (عماد عرفانی) کو چھوڑنے کے بعد نشا (فہد شیخ) احمر کے پاس آتی ہے اور اس سے کہتی ہے کہ اپنی بیوی (ایرج) حاجرہ یامین کو چھوڑ دو تم مجھ سے پیار کرتے ہو۔‘
Watch the Last Episode of #Jalan Tonight at 8:00 PM only on #ARYDigital @emmadirfani @MinalKofficial @habib_areeba pic.twitter.com/T9yGFqypOv
— arydigitalasia (@arydigitalasia) December 16, 2020
’دولت کی خاطر احمر سے منگنی توڑنے والی نشا کو گھر والوں کی تنقید کے بعد احمر بھی کھری کھری سنا دیتا ہے جس کے بعد وہ احمر کا غصہ اس کی اہلیہ اریج پر اتارتی ہے لیکن اریج بھی ہمیشہ کی طرح نشا کو لاجواب کردیتی ہے۔‘
’احمر بھی نشا کو بھول کر اریج کو اپنا چکا ہے اور وہ اپنی بیوی کو اعتماد میں لیتا ہے کہ وہ جب کسی کو چھوڑ دیتا ہے تو اس کی جانب واپس نہیں لوٹتا۔‘
ڈرامے کا اختتام کیا نشا کے پاگل پن پر ہوگا یا وہ حادثاتی طور پر جل جائے گی؟ یہ سب جاننے کے لیے ’جلن‘ کی آخری قسط آج رات 8 بجے اے آر وائی ڈیجیٹل پر دیکھنا نہ بھولیں۔