بدھ, جولائی 2, 2025
اشتہار

عالمی بینک پانی کے مسئلے پرکردار ادا کرے،جلیل عباس جیلانی

اشتہار

حیرت انگیز

واشنگٹن : امریکہ میں پاکستان کے سفیر جلیل عباس جیلانی کا کہناہے کہ پاکستان امریکہ کی نئی انتظامیہ کے ساتھ مل کر کام کرے گا۔انہوں نے کہا کہ پاکستان اور بھارت کے درمیان پانی کے مسئلے پر اپناکردار ادا کریں۔

تفصیلات کےمطابق واشنگٹن میں پاکستانی سفارت خانے کی جانب سے امریکی صحافیوں کو ظہرانہ دیا گیا،جلیل عباس جیلانی نے صحافیوں کو پاک امریکہ تعلقات پر بریفنگ میں بتایا کہ نئی امریکی انتظامیہ پاکستان کےمسائل جانتی ہے۔

پاکستانی سفیرنے کہا کہ انہیں امید ہے کہ نئی انتظامیہ کی جانب سے ایف سولہ طیاروں اوراتحادی سپورٹ فنڈکےمسائل پرنظرثانی کی جائے گی۔

جلیل عباس جیلانی کا کہناتھاکہ پاکستان نےدہشت گردی کے خاتمہ کےلیےتاریخی مہم شروع کی ہے،اس کے علاوہ انہوں نےکہا کہ سندھ طاس معاہدےپرغیرجانبدارٹیم تکنیکی،قانونی ماہرین پرمشتمل ہونی چاہیے۔

امریکہ میں پاکستان کے سفیر جلیل عباس جیلانی کا کہناتھاکہ پاکستان میں داعش کانیٹ ورک موجودنہیں ہے،تاہم افغانستان میں داعش کےبڑھتےاثرورسوخ پرتشویش ہے۔

واضح رہےکہ جلیل عباس جیلانی کاکہناتھاکہ پاکستان کےامریکہ کے ساتھ تعلقات7دہائیوں پرمشتمل ہیں،جبکہ پاکستان اور امریکہ کے بہت سے مفادات مشترکہ ہیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں