کوئٹہ: وزیراعلیٰ بلوچستان جام کمال نے کہا کہ بلوچستان حکومت بنیادی صحت کی سہولتیں فراہم کررہی ہے۔
تفصیلات کے مطابق کوئٹہ میں وزیراعلیٰ بلوچستان نے سول اسپتال میں اوپی ڈی کی افتتاحی تقریب سے خطاب کرتے ہوئے کہا کہ کنٹریکٹ بنیادوں پرڈاکٹرزکوایسے اضلاع بھیجیں گے جہاں ڈاکٹرز نہیں ہیں۔
انہوں نے کہا کہ بلو چستان میں 14کے قریب جگہیں ہیں جہاں ایمرجنسی پرسروس دیں گے، کوششیں جاری ہیں بلوچستان میں مسائل کوحل کریں گے۔
جام کمال نے کہا کہ بلوچستان میں شعبہ تعلیم اورصحت میں ایمرجنسی ڈکلیئرکی ہوئی ہے۔
وزیراعلیٰ بلوچستان نے کہا کہ کوششیں جاری ہیں بلوچستان میں مسائل کوحل کریں گے، صوبائی حکومت جہاں توجہ نہیں دے پا رہی وہاں بھی توجہ دیں گے۔
ماضی میں بلوچستان کےعوام کےلیےفلاحی منصوبےنہیں بنائے گئے‘ وزیراعلیٰ بلوچستان
یاد رہے کہ گزشتہ سال 18 نومبر کو وزیراعلیٰ بلوچستان کا کہنا تھا کہ بلوچستان کےعوام کوبنیادی سہولتوں کی فراہمی کے لیے کوشاں ہیں، ماضی میں بلوچستان کےعوام کے لیے فلاحی منصوبے نہیں بنائے گئے۔
جام کمال کا کہنا تھا کہ ایسےبہت منصوبےہیں جوشروع ہوئے لیکن مکمل نہیں ہوئے، طریقہ کارنہ بدلا تو کوئی منصوبہ مکمل ہو بھی نہیں پائے گا۔
