The news is by your side.

Advertisement

توشہ خانہ کا 30 سالہ ریکارڈ پبلک کیا جائے، جماعت اسلامی کا مطالبہ

امیرجماعت اسلامی پاکستان سراج الحق نے توشہ خانہ کا 30 سالہ ریکارڈ منظرعام پر لانے کا مطالبہ کر دیا۔

میڈیا کو جاری بیان میں امیر جماعت اسلامی نے کہا کہ توشہ خانہ کا گزشتہ 30 سال کا ریکارڈ پبلک کیا جائے قوم جاننا چاہتی ہےوزرائےاعظم نےتحائف سےکتنا،کیسےاستفادہ کیا۔

انہوں نے کہا کہ قوم میں پولرائزیشن خطرناک صورت اختیار کرچکی ہے سیاست میں تشدد جمہوریت کے لیے تباہ کن ہے وزیراعظم منصوبوں کی بجائے جلداورشفاف انتخابات یقینی بنائیں انتخابی اصلاحات کے لیے سیاسی جماعتیں آپس میں مذاکرات کریں۔

سراج الحق نے کہا کہ الیکشن کمیشن کا مالی و انتظامی لحاظ سےخودمختار ہونا بےحدضروری ہے۔

علاوہ ازیں جماعت اسلامی کی مرکزی مجلس عاملہ کا ہنگامی اجلاس کل طلب کر لیا گیا ہے۔ ترجمان کے مطابق اجلاس میں موجودہ ملکی سیاسی صورتحال کا جائزہ لیاجائےگا اور جماعت اسلامی کاآئندہ کا لائحہ عمل بھی طے کیا جائے گا۔

Comments

یہ بھی پڑھیں