ترجمان جماعت اسلامی قیصرشریف نے پیپلزپارٹی کے فیصل کریم کنڈی کے بیان پر ردعمل دیتے ہوئے کہا ہے کہ فیصل کنڈی بتائیں پی پی نےپرویزمشرف سےاین آراو کیوں لیا؟
اپنے بیان میں قیصرشریف نے کہا کہ پیپلزپارٹی نےعوام سے ایک وعدہ بھی پورا نہیں کیا سراج الحق کی سینئر وزیر کے طور پر کارکردگی ایک مثال ہے ملکی تاریخ گواہ ہے پیپلزپارٹی ہمیشہ شاہ سے زیادہ شاہ کی وفادار رہی۔
انہوں نے کہا کہ الزامات سے کچھ نہیں ہوگا کارکردگی کی بنیاد پر ہمارا مقابلہ کریں۔
فیصل کریم کنڈی نے کہا تھا کہ سراج الحق کی جماعت اسلامی پر قوم اعتماد نہیں کرتی، جماعت اسلامی ہمیشہ آمروں کی تابعدار اور سہولت کار رہی، جماعت اسلامی اور جےیوآئی نے ایل ایف او منظور کراکر مشرف کی سہولت کاری کی۔
ان کا کہنا تھا کہ جماعت اسلامی کا ماضی دیکھ کر عوام انہیں ہر الیکشن میں شکست دیتی ہے سراج الحق5 سال کےپی حکومت رہے بتائیں عوام کی کون سی خدمت کی؟
