The news is by your side.

Advertisement

کرونا وبا کے دوران اومیکرون جیسی چیز ہم نے پہلے نہیں دیکھی: امریکی ماہر

واشنگٹن: ایک امریکی طبی ماہر نے کہا ہے کہ اومیکرون میں جس تیزی سے اضافہ ہوا ہے وہ ہر چیز کے برعکس ہے اور جو ہم نے کبھی نہیں دیکھا۔

تفصیلات کے مطابق امریکا میں اومیکرون ویرینٹ کے نہایت سرعت سے پھیلاؤ اور کرونا کیسز میں ریکارڈ اضافے کی وجہ سے امریکی اسپتال شدید ترین دباؤ کا شکار ہو چکے ہیں۔

ایسے میں جارج واشنگٹن یونیورسٹی اسپتال میں ڈیزاسٹر میڈیکل کے چیف جیمس فلپس نے سی این این سے بات چیت کرتے ہوئے کہا کہ یہ (اومیکرون) کسی بھی چیز کے برعکس ہے جسے ہم نے ابھی تک دیکھا ہے، یہاں تک کہ یہ کووڈ کے گزشتہ عروج سے بھی بہت زیادہ ہے۔

ان کا کہنا تھا کہ کرونا کیسز میں اس حد تک اضافہ ہم نے پہلے نہیں دیکھا، ابھی ہم جو تجربہ کر رہے ہیں، وہ واشنگٹن میں ایمرجنسی اقدامات پر پوری طرح سے بھاری پڑ رہا ہے۔

واضح رہے کہ جان ہاپکنز یونیورسٹی کے اعداد و شمار کے مطابق امریکا گزشتہ ہفتے کے مقابلے میں اوسطاً ساڑھے 3 لاکھ سے زیادہ روزانہ نئے کیسز کی ایک نئی وبا کا سامنا کر رہا ہے۔

اسپتالوں کے ایمرجنسی رومز مریضوں سے پوری طرح بھر چکے ہیں، اور گزشتہ روز ماہرین نے نئے سال کا جشن منانے والوں سے گزارشیں کیں کہ وہ پارٹیاں چھوٹی رکھیں، اور کھلی جگہوں پر رکھیں۔

Comments

یہ بھی پڑھیں