نئی دہلی : نامور بالی ووڈ اداکار اکشے کمار نے جامعہ ملیہ اسلامیہ کے طلبہ پر وحشیانہ تشدد کی ویڈیو لائک کرکے سوشل میڈیا پر تنقید کی زد میں آگئے۔
تفصیلات کے مطاق اکشے کمار مسلمانوں کے خلاف اپنے متنازع بیانات اور سوشل میڈیا پوسٹوں کے باعث اکثر ہی اپنے مداحوں کی جانب سے تنقید کا نشانہ بنتے رہتے ہیں لیکن اس مرتبہ انہوں نے جامعہ ملیہ اسلامیہ کے طلبہ پر وحشیانہ تشدد کی ویڈیو لائک کرکے خود کو مشکل میں ڈال دیا۔
سوشل میڈیا پر تنقید شروع ہوتے ہی اکشے کمار نے کچھ دیر بعد ہی ویڈیو ’اَن لائک‘ کردی۔
اکشے نے ٹوئٹر پر جاری بیان میں کہا کہ جامعہ ملیہ اسلامیہ کے طلبہ پروحشیانہ تشدد کرنے کی ویڈیو کو میں نے غلطی سے ’لائک‘ کیا تھا۔
بالی ووڈ اداکار نے وضاحت کی کہ در اصل دوسری ٹوئٹس کو دیکھتے ہوئے مجھ سے لائک ہوگیا تھا تاہم تھوڑی ہی دیر بعد جب مجھے احساس ہوا تو فوراً ہی اسے ’اَن لائک‘ کردیا تھا کیونکہ میں اس طرح کسی بھی تشدد کا حامی نہیں۔
Regarding the ‘like’ on the tweet of Jamia Milia students, it was by mistake. I was scrolling and accidentally it must have been pressed and when I realised I immediately unliked it as In no way do I support such acts.
— Akshay Kumar (@akshaykumar) December 16, 2019
اداکار کے اس بیان کے بعد ٹوئٹر پر’بائیکاٹ کینیڈیئن کمار‘ ٹرینڈ شروع ہوگیا جبکہ صارفین نے بھی تنقید کے نشتر کا رخ اکشے کمار کی جانب کردیا۔
Here is the Tweet which was liked by Akshay Kumar, the tweet was cheering Police beating up Jamia Students.#BoycottCanadianKumar pic.twitter.com/N6zkEMgP0l
— Nенr_wно™ (@Nehr_who) December 16, 2019
ایک صارف نے اکشے کمار کو بزدل قرار دیا جبکہ ایک اور صارف نے اداکار کو بزدل قرار دیتے ہوئے کہا کہ یہ صرف فلموں میں ہیرو بنتا ہے جامعہ ملیہ اسلامیہ کے طالب علم حقیقت میں ہیرو ہیں۔
دوسری جانب کتنے ہی صارفین نے بالی ووڈ کے خطروں کے کھلاڑی کو جھوٹا قرار دیا اور کہا کہ یہ لائک انہوں نے غلطی سے نہیں بلکہ جان بوجھ کرکیا۔
واضح رہے کہ بھارت بھر میں مسلمانوں کے خلاف مذہبی امتیازی سلوک پر مبنی قانون کی منظوری کے خلاف احتجاج جاری ہے۔
