اضاخیل : جمعیت علمائے اسلام کی صد سالہ تاسیسی تقریبات کا سلسلہ جاری ہے، سہ روزہ تاسیسی تقریبات میں دنیا بھر کے مندوبین شریک ہیں۔
تفصیلات کے مطابق جمعیت علمائے اسلام کے صد سالہ یوم تاسیس کی تین روزہ تقریب کا آج دوسرا روز تھا، اجتماع میں قطر، انڈونیشیا، جنوبی افریقہ ، نیپال،بھارت،بنگلہ دیش اور سعودی عرب سمیت کئی اسلامی ممالک کے وفود نے شرکت کی۔
جلسے سے خطاب کرتے ہوئے چیئرمین سینٹ رضا ربانی نے شام پر امریکی حملے کی مذمت کرتے ہوئے کہا کہ اس معاملے پرپارلیمنٹ کا اجلاس بلایاجائے۔ تاسیسی جلسے سےخطاب میں خورشید شاہ نے کہا کہ جے یو آئی کا سیاست اور جہوریت کیلئے تاریخی کردار رہا ہے۔
جلسے میں بشپ آف پاکستان نذیر عالم نے بھی شرکت کی اور عوام سے مولانا فضل الرحمان کو ووٹ دینے کی اپیل کی۔ اجتماع میں شریک افراد کیلئے سیکیورٹی کے فرائض پچیس ہزار رضا کار اورتیرہ سو پولیس اہلکار انجام دے رہے ہیں۔
پنڈال میں ستر سی سی ٹی وی کمیرے نصب ہیں، اجتماع کا کل آخری روزہے جس کے اختتام پر امام کعبہ خصوصی دعا کرائیں گے۔
