کوئٹہ: بلوچستان کی نگراں حکومت نے 8 فروری کو ہونے والے عام انتخابات سے قبل صوبے میں انٹرنیٹ سروس سے متعلق اہم فیصلہ کر لیا۔
نگراں صوبائی وزیر اطلاعات و نشریات جان اچکزئی نے سماجی رابطوں کی سائٹ ایکس پر جاری اپنے بیان میں بتایا کہ صوبے کے حساس پولنگ اسٹیشن والے علاقوں میں انٹرنیٹ معطل کیا جائے گا۔
جان اچکزئی نے کہا کہ انتخابات سے قبل انٹرنیٹ کی خدمات کو عارضی طور پر روکا جائے گا۔ انہوں نے بتایا کہ تربت، مچھ، چمن سمیت مختلف علاقوں میں انٹرنیٹ رسائی محدود کی جائے گی۔
انہوں نے بتایا کہ دہشتگردوں کی جانب سے سوشل میڈیا استعمال کرنے کا خدشہ ہے، دہشتگرد سوشل میڈیا پلیٹ فارم مواصلاتی مقاصد کیلیے استعمال کر سکتے ہیں۔
جان اچکزئی نے کہا کہ عام شہریوں کی حفاظت کو یقینی بنانا انتہائی اہم ہے۔
Internet services will be temporarily restricted in sensitive polling booths located in various areas of #Balochistan.
Ensuring the safety and security of ordinary citizens is of utmost importance, as there is a concern that terrorists may exploit social media platforms such…
— Jan Achakzai / جان اچکزئی (@Jan_Achakzai) February 4, 2024
