بالی ووڈ اداکارہ جھانوی کپور اللو ارجن کی ’پشپا 2’ کی حمایت میں سامنے آگئیں۔
ساؤتھ انڈین فلموں کے سپر اسٹار اللو ارجن کی پشپا 2 دی رول نے ملک بھر کے سنیماؤں پر دھوم مچائی ہوئی ہے، فلم کو شائقین کی جانب سے بے پناہ پذیرائی مل رہی ہے۔
رپورٹ کے مطابق کرسٹوفر نولان کی ’انٹراسٹیلر‘ کو بھارت میں دوبارہ ریلیز نہیں کیا جائے گا کیونکہ جنوبی ہندوستانی فلم نے آنے والے ہفتوں کے لیے بڑے سینماؤں پر قبضہ کرلیا ہے۔
اس اقدام نے سینی فیلس کے ایک حصے کو ناراض کیا جو بڑی اسکرین پر مہکاوی سائنس فکشن ڈرامہ دیکھنا چاہتے تھے اسی لیے انہوں نے سوشل میڈیا پر اللو ارجن کی فلم کے لیے نفرت انگیز مہم شروع کردی ہے۔
جب جھانوی کپور نے یہ دیکھا تو وہ فورا سو کمار کی فلم کی حمایت میں بول پڑیں۔
جھانوی کپور نے لکھا کہ ’پشپا 2 بھی سنیما ہے، ہم مغرب کی پرستش اور اپنے ہی ملک سے نکلنے والی چیزوں کو فوری طور پر نااہل قرار دینے کے جنون میں کیوں مبتلا ہیں؟
جھانوی نے کہا کہ دنیا بھارتی فلموں کی جڑوں سے جڑی کہانیاں اور ان کی بڑی اسکرین کی منفرد پیشکش کو سراہتی ہے، لیکن بھارتی عوام اپنی ہی فلموں سے شرمندگی محسوس کرتے ہیں۔
انہوں نے لکھا کہ جس چیز کو دنیا پسند کرتی ہے، ہم خود اس پر شرمندہ ہیں۔ یہ افسوسناک ہے۔”
اس سے قبل یہ اطلاع ملی تھی کہ کرسٹوفر نولان کی آسکر ایوارڈ یافتہ فلم ’انٹرسیلر‘ اپنی دسویں سالگرہ پر دوبارہ سنیما گھروں کی زینت بنے گی تاہم پشپا 2 کی کامیابی کے بعد ہالی ووڈ فلم نہیں دکھائی جائے گی جس پر بہت سے لوگ خوش نہیں ہیں۔
