کراچی : پاکستان میں سب سے زیادہ فالو کی جانے والی ٹک ٹاکر جنت مرزا نے کہا ہے کہ مجھے کبھی کسی کوئی گفٹ نہیں دیا۔
اے آر وائی ڈیجیٹل کے پروگرام گڈ مارننگ پاکستان میں جنت مرزا نے اپنی زندگی کے چھپے رازوں سے ناظرین کو آگاہ کیا اور اپنی ذاتی زندگی سے متعلق کچھ باتیں شیئر کیں۔
میزبان ندا یاسر کے ایک سوال کے جواب میں انہوں نے بتایا کہ مجھے ساکگرہ کے موقع پر بھی کسی نے تحفہ نہیں دیا فیملی کے لوگ بھی یہی کہتے ہیں کہ ہی پیسے رکھ لو جو چاہو خرید لینا۔
ان کا کہنا تھا کہ میری بھی یہی خواہش ہے کہ مجھے بھی باقاعدہ کوئی چیز تحفے میں ملے تاکہ میں اسے کسی محفوظ جگہ پر سنبھال کر رکھ سکوں۔
یاد ہے کہ رواں سال فروری میں ٹک ٹاکر جنت مرزا نے اپنے منگیتر عمر بٹ سے راہیں جدا کرلی تھیں۔ ان کی منگنی اور شادی کے حوالے سے بھی کئی خبریں سوشل میڈیا کی زینت بن چکی تھیں۔
جنت مرزا نے اپنی انسٹا گرام اسٹوری میں اشفاق احمد کا ایک قول شیئر کیا، جس میں لکھا تھا کہ ‘ شعور کا پہلا درجہ خاموش رہنے کی عادت، دوسرا درجہ بدتمیزی کا جواب نہ دینا اور تیسرا درجہ بداخلاقی کا جواب اخلاق سے دینا ہے۔
