مقبول پاکستانی ٹک ٹاک اسٹار جنت مرزا نے جلد شادی کا عندیہ دیتے ہوئے کہا ہے کہ رشتے کی بات پکی ہو چکی ہے اور جلد شادی ہو جائے گی۔
جنت مرزا کو ٹک ٹاک پر سب سے زیادہ فالو کی جانے والی شخصیات میں شمار کیا جاتا ہے۔ انہوں نے اپنے حالیہ انٹرویو میں شادی سے متعلق گفتگو کی ہے۔
انہوں نے کہا کہ چاہتی ہوں جلدی سے شادی ہو جائے اور پیا گھر سدھار جاؤں، رشتے کی بات پکی ہوگئی ہے اور جلد شادی ہو جائے گی۔
View this post on Instagram
ٹک ٹاکر نے کہا کہ مجھے اور میرے منگیتر کو شادی کی جلدی ہے، چاہتی ہوں کہ ہمارا پیار اور محبت جلد ہی شادی میں تبدیل ہو جائے۔
انٹرویو میں جنت مرزا نے بتایا کہ میں سی ایس ایس کرنے کے بعد پولیس آفیسر بننا چاہتی تھی لیکن ٹک ٹاکر بن گئی، میرے والد بھی پولیس آفیسر ہیں۔
View this post on Instagram
گزشتہ سال جون میں جنت مرزا اور ٹک ٹاکر عمر بٹ کی منگنی کی خبریں سامنے آئی تھیں۔ اس وقت ان کا کہنا تھا کہ ابھی منگنی نہیں ہوئی، صرف بات پکی ہوئی ہے، جب اللہ نے چاہا تو ہماری منگنی بھی ہو جائے گی۔